Која е разликата меѓу Nebilet и Nebilet plus?

Nebilet plus содржи две активни супстанции – небиволол и хидрохлортиазид. Небивололот делува на кардиоваскуларниот систем така што спречува зголемување на срцевата фреквенција и го контролира интензитетот на пумпање на срцето, а истовремено делува и на проширување на крвните садови, што доведува до намалување на крвниот притисок. Хидрохлортиазидот е диуретик кој ја зголемува количината на излачена урина, со што се намалува волуменот на течност во организмот, се растоварува срцето и се снижува крвниот притисок. Nebilet, за разлика од Nebilet plus, содржи само небиволол како активна супстанција, без диуретик. Двата лека се користат во терапија на висок крвен притисок, како и во терапија на блага до умерена срцева слабост, како додаток на стандардната терапија.