Кога треба да се оперира дилатирана асцендентна аорта?

Проценка за тоа кога треба да се оперира дилатирана асцендентна аорта дава васкуларен хирург, како и кардиохируршки конзилиум. Одлуката не се донесува само врз основа на димензиите, туку и врз основа на изгледот на ѕидот на аортата, како и врз основа на тоа дали пациентот боледува од хипертензија, дијабетес и други болести. До конечната одлука, потребно е да се одржува крвниот притисок во нормални граници, да се води хигиенско-диететски режим на исхрана (помалку животински масти, леб, тестенини и слатки), со цел вредностите на LDL и HDL холестеролот и триглицеридите да бидат во референтни граници, и да се избегнуваат поголеми физички напори.