Дали пациент со два прележани инфаркти, аневризма на левата комора и операциран трикратен бајпас може безбедно да патува со авион?

Повеќето срцеви пациенти можат безбедно да патуваат со авион, без ризик за здравјето. На аеродромот или при укрцувањето побарајте помош од персоналот - ако е потребно, нека ви обезбедат превоз со електромобил. Носете ги лековите во својата рачна торба, а доколку сметате дека е потребно, навреме побарајте од авиокомпанијата да обезбеди боца со кислород. Ако имате вграден пејсмејкер или дефибрилатор, секогаш носете картичка со податоци за уредот и известете го персоналот за тоа. Современите уреди од овој тип се добро заштитени од влијанието на безбедносните системи за детекција на метал, но можете да побарате проверка со рачен детектор, кој не смее да се постави директно над самиот уред или повеќепати да се пренесува над него. Што се однесува до притисокот во авионот, тој е еднаков на атмосферскиот притисок на земјата и не подлежи на промени. Доколку редовно земате терапија, патувањето со авион не би требало да претставува проблем, но пред патувањето секако посоветувајте се со својот лекар.