Дали кафето влијае на хипертензијата?

Резултатите од спроведените студии покажуваат дека умерено внесување кафе не влијае негативно на кардиоваскуларното здравје. Кофеинот делува двојно на крвните садови. По само една испиена шолја кафе, крвните садови се стеснуваат, а крвниот притисок расте бидејќи кофеинот ги стимулира вазомоторните центри. Затоа лицата со низок притисок се чувствуваат подобро по испиена кафе. Меѓутоа, малку подоцна кофеинот делува спротивно на крвните садови, при што тие се шират и притисокот паѓа. Многу истражувања го испитувале влијанието на внесот на кафе врз висок притисок и холестерол, при што повеќето покажале дека, во подолг период, кафето не го зголемува ризикот од висок крвен притисок. Значи, слободно можете да уживате во вашата шолја кафе, но треба да водите сметка за исхраната. Еве насоки за исхрана кај хипертензија: ДАШ (DASH) дијетотерапијата, која се препорачува за превенција и лекување на висок крвен притисок, е богата со калиум, магнезиум и калциум, протеини и диетални влакна, а сиромашна со масти, холестерол и натриум. Се базира на следните препораки: намалување на вкупниот внес на масти, заситени масти и холестерол; зголемување на внесот на овошје, зеленчук, обрано или делумно обрано млеко и млечни производи; зголемување на внесот на диетални влакна преку користење на цели зрнести производи; намалување на внесот на натриум на 2,4 g или помалку, до 1,5 g дневно; намалување на внесот на слатки, додаден шеќер и напитоци што содржат шеќер.