Дали ехото на срцето може да го покаже LGL синдромот?

Не, ултразвукот на срцето не го потврдува синдромот, туку тоа го прави соодветно електрофизиолошко испитување. Може да се посомнева врз основа на скратен PQ интервал и тахикардија без коморски пореметувања на ритамот, но не може да се тврди само врз основа на тоа. Потребен е контролен Холтер, а доколку дијагнозата остане иста, потребно е електрофизиолошко испитување кое се врши во терцијарни установи, односно во клинички центри. LGL синдромот може да има наследна компонента. Не предизвикува значајни пореметувања на функцијата на срцето, освен што понекогаш пароксизмалната тахикардија може да предизвика синкопа, односно губење на свеста, и токму тоа е причината зошто се ограничува возењето автомобил, работата на висина и слични активности.