Дали АВ блок втор степен може да премине во трет степен кај спортисти?

Неопходно е комплетно кардиолошко испитување на спортистите. Тоа подразбира кардиолошки преглед, ултразвук на срце и ергоспирометрија. Доколку некој има пореметување на ритамот или на спроведувањето, потребен е и 24-часовен Холтер ЕКГ. АВ блок втор степен може да премине во АВ блок трет степен, кој означува целосен прекин на спроведувањето на импулсите од преткоморите кон коморите. Клиничката слика кај овој вид блок настанува ненадејно и се карактеризира со губење на свеста и клонично-тонични грчеви. Пациентот може да почине доколку не се активираат пониските центри за спроведување.