Зошто се јавуваат екстремно низок крвен притисок, губење на свест и малаксалост?

Симптомите кои ги опишувате се последица на низок крвен притисок. Висината на крвниот притисок најчесто е генетски условена, па некои луѓе цел живот имаат низок притисок. Проблемите со ниск притисок се особено изразени при нагли промени од студено кон топло време, какви што се чести во овој период. Хипотензијата може да биде примарна (трајно низок притисок, најчесто генетски условен) или секундарна (како последица на крварење, инфекции, кардиоваскуларни заболувања, алергиски реакции, дијабетес и слично). Препорачливо е најпрво да се испита функцијата на панкреасот и потеклото на евентуалната хипогликемија, во договор со вашиот лекар, преку ултразвук и ЦТ на абдомен, како и орален глукозо-толеранс тест. Потребно е да се провери и статусот на железото во организмот, бидејќи анемијата исто така може да предизвика малаксалост, засилен замор и поспаност. Совет е да се зголеми внесот на течности и сол, станувањето од легнатата положба да биде постепено, а исто така да се зголеми физичката активност и внесот на кофеин.