Што значи висока седиментација и кога е потребна понатамошна дијагностика?

Загриженоста поради висока седиментација е разбирлива. Кога вредноста на седиментацијата е трицифрена, тоа е причина за понатамошни дијагностички постапки. Се препорачува преглед кај хематолог, кој по дополнителни испитувања ќе се обиде да ја утврди причината. Исто така, потребно е мислење на ревматолог (поради високата седиментација) и на уролог, за да се утврди дали е во прашање хронична инфламација на бубрезите.