Што значи повишен CK (креатин киназа) во крвта?

Креатин киназата е ензим специфичен за мускулната контракција. Се состои од две подединици (мускулна – M и мозочна – B) и има три изоензими: CK-MM, CK-MB и CK-BB. Изоензимот CK-MM (CK-3) е карактеристичен за скелетните мускули, CK-BB (CK-1) за мозокот, додека изоензимот CK-MB (CK-2) е најзастапен во срцевиот мускул. Повишените вредности на CK-MB маса се корисни во дијагностиката на исхемија на миокардот, како миокардитис или исхемична болест на срцето, а можат да укажуваат и на други состојби, како на пример рабдомиолиза. Вредностите зависат од времето протекло од почетокот на болеста, па оваа анализа треба да се комбинира со други испитувања поврзани со исхемија на срцевиот мускул (тропонин-Т). Често се среќава дека причина за повишен CK е анемија, а корисно би било, доколку не се направени, да се направат специфични анализи за срцето – тропонин и други дополнителни биохемиски анализи како АСТ, АЛТ, ЛДХ, како и ултразвук на срце и ЕКГ, и да се консултирате со кардиолог со цел исклучување или потврдување на срцево заболување. Некои лекови исто така можат да доведат до повишени вредности на CK.