Што може да значат честите стомачни болки?

Доколку по сите испитувања не е пронајдена конкретна причина за проблемот, тоа може да укажува на постоење на диспепсија. Ако е исклучено органско заболување на дигестивниот тракт, тогаш станува збор за функционална диспепсија, односно лошо варење. Таа се карактеризира со повремена или постојана болка во стомакот, која може да биде поврзана со внесувањето храна. Важно е да се променат животните навики, пред сè исхраната, и да се избегнува пушењето, алкохолот, кафето, стресот и одредени лекови (нестероидни антиревматици). Доколку не сте тестирани на присуство на Helicobacter pylori, се препорачува да го направите тоа, бидејќи честопати може да биде причина за ваков проблем. Се препорачува да се обратите кај свој лекар за евентуално воведување терапија.