Што може да предизвика постојана болка во стомакот?

Болката може да биде последица на бројни заболувања, па е потребен гастроентеролошки преглед, а можеби и дополнителни прегледи од други специјалности. Болката би можела да биде последица на чирева или други заболувања на желудникот и дванаесетпалачното црево, потоа последица на разни видови заболувања на другите делови на цревата, особено дебелото црево, а може да биде и последица на некои заболувања на панкреасот. Можни се и заболувања на жолчното кесе и црниот дроб, иако тоа не е типична болка. Дури е можно болката да биде последица на заболување на крвните садови на цревата или да претставува пренесена болка од органи што не се во стомакот. Потребен е лекарски преглед.