Колку е опасно зрачењето при дијагностички прегледи?

Без разлика дали се работи за РТГ или ЦТ скенирање, постои одредена дополнителна доза зрачење. Меѓутоа, таа е многу помала од дозата која човек ја прима за неколку години живот во бетонска зграда. За споредба - ЦТ скенирање на целото тело одговара на апсорбирана доза од околу 10-20 милисиверти, додека годишната доза во згради е околу 50 милисиверти (значи по година, иако е нереално човек цела година постојано да седи во куќа, па се работи за неколку години нормален живот). Помалите ЦТ скенирања или рендген снимки одговараат на многу помали апсорбирани дози, а забен снимок се мери во микросиверти (5-10 микро). Еден час летење со авион на висина на крстарење претставува приближно иста доза како забен снимок. Тешко е точно да се каже колкава е веројатноста малите дози да предизвикаат карцином, но дури и ако се прими цел сиверт (односно да се направи ЦТ скенирање на целото тело 50-100 пати последователно), веројатноста е сепак само околу 5%. На бременост може да се размислува околу 3 до 6 месеци подоцна, за да можат сите клетки во организмот целосно да се исчистат од зрачењето и да се формираат нови, здрави клетки.