Која е можната причина за болка меѓу градите и во грбот придружена со сув кашлица?

Таков тип болка може да се јави кај прирасници на плеврата (белодробната марамица), како и поради интеркостална невралгија (болка меѓу ребрата), што е најчест причинител. Освен срцето, причина можат да бидат и разни заболувања на мускулите, промени на ребрата, пршлените или рскавицата. Болка во градите може да се јави и кога воздух навлезе во плевралниот простор. Таа болка обично е придружена со забрзана срцева работа, промени на ЕКГ, пад на крвниот притисок, отежнато дишење и цијаноза (модрило на лицето). Болката е силна, остра, како убод со игла, но трае кратко - само неколку секунди - и е локализирана на едно место. Пациентот може да чувствува непријатност, тежина во средината на градите, која се засилува при притисок на болното место. Дискус хернија, дегенеративни промени на дисковите или повреден пршлен исто така можат да предизвикаат болка во градите, најчесто поради притисок или воспаление на нерв кој минува низ градниот кош. Болката е упорна, следи патека на нерв и се засилува при кашлање, кивање или промена на положбата на телото. Меѓуребрената болка се јавува како пробивање меѓу ребрата, а причината треба да се бара во меѓуребрените мускули, рскавицата, ребрата или кичмата. Болката е силна, пробивна, слична на убод со игла, но безопасна. Најчесто трае неколку секунди, се јавува на точно определено место и не се шири на другите делови од градниот кош. Воспаление на меѓуребрената рскавица (која ги поврзува ребрата со градната коска) може да предизвика болка во градниот кош. Таа болка не е опасна и претставува реакција на организмот на поголеми напори. Болката е постојана, се шири по градниот кош и се манифестира како чувство на тежина во средогрудието. Се засилува при притисок со прст на болното место. Дискус хернијата е заболување предизвикано од промени и оштетување на дискот меѓу пршлените, а болката настанува поради притисок на коренот на меѓуребрениот нерв на местото каде излегува од кичмата, или поради воспаление на тој нервен корен. Болката трае долго и обично следи линија на нервот, се шири од кичмата по градниот кош, а се засилува при кашлање и промена на положбата на телото. Воспалението на белодробната марамица (плеврата) - која се состои од два тенки слоја, еден што лежи на белите дробови и друг што ги обвива внатрешните зидови на градната шуплина - може да настане како последица на воспаление на белите дробови или други заболувања на белодробното ткиво. Болката е многу силна (особено во средниот и долниот дел на градите), а се засилува при дишење и кашлање. Може да биде придружена со покачена телесна температура и сув кашлица. Гастроезофагеален рефлукс - понекогаш болката во градниот кош може да биде предизвикана од воспаление на хранопроводот поради враќање на киселина од желудникот, заради прекумерно отпуштање на прстенестиот мускул што го одвојува хранопроводот од желудникот. Понекогаш дел од желудникот може да навлезе во градниот кош преку отвор на дијафрагмата и да предизвика болка. Обично се чувствува како печење зад градната коска и во горниот дел на стомакот. Значи, болката во градите може да биде чест симптом на многу заболувања, како во градниот кош, така и во абдоменот. Советот е да се направат: крвна слика со биохемиски анализи, клинички преглед (кај пулмолог, каде со аускултација при длабок здив или издив може да се чуе нешто слично на пукање или чекорење по снег), ЕКГ (доколку не е направен), рентген на белите дробови и слабинскиот дел на кичмата, ехо на срце доколку не е направен, но задолжително ехо на стомак за да се исклучи патологија поврзана со гастроинтестиналниот тракт. Надлежниот лекар ќе процени дали е потребно да се направат дополнителни испитувања (КТ, МР, селективна коронарографија, перфузиона сцинтиграфија).