Зошто ме боли слезината?

Инфективната мононуклеоза во најголем број случаи доведува до зголемување на слезината, а во 10-20% од случаите и до зголемување на црниот дроб. Кај лица над 20-25 години, честа појава е слезината да не се врати на својата првобитна големина, туку да остане зголемена. Веројатно тоа е причина за проблемот. Симптомите на закрепнување по инфективна мононуклеоза, како засилено заморување и слично, можат да траат и до 2 години по прележаната болест. Препорачливо е да се направи ултразвучен преглед на абдомен со посебен осврт на слезината, за да се процени нејзината состојба, односно големина.