Кои анализи се работат кај зголемена лимфна жлезда од десната страна кај 24-годишна девојка?

Прво треба да се прегледа пациентот и да се утврди каква е природата на зголемувањето на жлездата, каде е локализирана, каква е големината, дали е болна или не, и дали е проследена со други симптоми. Потоа, во зависност од наодот, можат да се направат лабораториски анализи, преглед на околните органи доколку станува збор за реактивно зголемени жлезди, ултразвучен преглед на жлездата и мекото ткиво, ултразвук на стомак, рентген на бели дробови, како и преглед кај хематолог.