Што значат снижени лимфоцити и покачени неутрофили?

Ваква крвна слика се очекува во текот на акутната и субакутната фаза на вирусна инфекција, конкретно короната, но не и по нејзиното поминување. Постојат и исклучоци, како таканаречениот продолжен ковид, но тоа обично е проследено и со компликации, пред сè зголемено згрутчување на крвта, зголемен Д-димер и можни тромбоемболии. Секако, ваков наод е можен и кај други инфекции, како и кај болести на крвта. Препорачливо е да се направи Д-димер и комплетна лабораториска анализа со периферен размаз на крвта, со толкување од хематолог. Дури тогаш ќе биде појасно кој е основниот проблем и како да се лекува.