Што значат покачени вредности на CK и LDH?

CK и LDH се ензими во телото кои не се специфични само за еден орган. За подетално толкување, потребно е клиничката слика на детето да се надополни со дополнителни анализи, како и информации дали детето неодамна боледувало, дали се занимава со физички активности и слично. CPK влијае на креатин фосфатот во организмот, при што се добива енергија неопходна за функционирањето на клеточниот метаболизам. Со овој ензим се богати скелетните и срцевиот мускул, како и мозокот. Затоа, покачувањето на неговото ниво во крвта се јавува во сите случаи каде што се оштетени или разорени наведените ткива - срце, повреди на мускулите, мускулни дистрофии, преумор, хипотиреоза. LDH е ензим кој се наоѓа во црниот дроб, срцето, бубрезите, скелетните мускули и еритроцитите, и катализира меѓусебно претворање на лактат и пируват. LDH може да се најде низ целото тело - тоа е ензим кој главно се наоѓа во внатрешноста на клетките. Советот е детето да го прегледа педијатар, евентуално детски кардиолог и невролог, за да се исклучат евентуални заболувања на срцето и мускулите.