Неутропенија и зголемена слезина кај дете по прележана мононуклеоза - што значи тоа?

Инфективната мононуклеоза е акутна заразна болест која обично трае 6 до 8 недели, предизвикува разновидни тегоби и најчесто поминува добро, без последици. Потребно е пациентот да се следи, особено слезината и срцето, како во акутната фаза, така и во периодот на закрепнување. Треба да се избегнуваат потешки физички напори и можност од пад или повреда на слезината, бидејќи таа е зголемена за време на болеста и останува чувствителна на повреди уште неколку месеци по прележувањето. Мононуклеозата често има разновидна клиничка слика, па е важно дијагнозата да биде потврдена. Тоа најдобро се гледа преку периферен размаз на крв. Доколку не е направен периферен размаз со толкување од хематолог, тоа би помогнало да се добие сигурна потврда на дијагнозата. Препорачливо е хематолог да се произнесе токму за дијагнозата и за понатамошното следење.