Која е референтната вредност на NRBC и што претставува тоа?

NRBC се патолошки форми на еритроцити, односно незрели еритроцити кои сè уште не го изгубиле своето јадро, поради што не се способни да ја вршат функцијата на пренос на кислород во крвта. Нормално не се наоѓаат во крвта. Доколку се пронајдат, потребно е со хематолог да се утврди причината за проблемот, која може да биде од хематолошка или друга природа. Лекувањето е насочено кон причината. Во секој случај, ова е патолошка вредност, бидејќи не се очекува во крвта да се најдат незрели еритроцити со јадро.