Хемангиоми на глава кај бебе и вовед на терапија со пропранолол

Лекувањето на хемангиоми кај деца е во надлежност на лекари специјалисти по пластична и реконструктивна хирургија, кои одлучуваат на кој начин ќе се третира хемангиомот. Во повеќето случаи хемангиомите само се следат, бидејќи имаат тенденција постепено да се намалуваат и да се повлекуваат сами. Единствено лекарот кој го следи детето може да процени дали и кога е потребно да се вклучи терапија со пропранолол. Ефектите од оваа терапија се обично многу задоволителни, а несаканите ефекти се релативно ретки.