Што може да предизвика мачнина која трае со дена, придружена со крчкање во стомакот и губење на тежина?

Симптомите кои ги опишувате најмногу укажуваат на можен гастритис (гастродуоденит), заедно со можна цревна инфекција. Сите наведени симптоми не мора да бидат придружени со други знаци, како што се покачена телесна температура, промена во столицата или повраќање. Иако постои страв од посета на лекар, секогаш во некоја лабораторија прво може да се направат следните анализи: тест за Хеликобактер пилори (антиген во столица, IgA во крв, уреа издишен тест), анализа на столица за окултно крварење (со која се исклучува малигна причина), како и копрокултура. Независно од резултатите на овие анализи, препорака е да се направи и ултразвук на стомак. Секако, можете да разговарате и со вашиот матичен лекар за евентуално упатување кон гастроентеролог. Состојбата може да се уреди со соодветна терапија, но е неопходно прво да се утврди точната причина.