Која е терапијата за хеликобактер?

Почетната терапија секогаш вклучува инхибитор на протонската пумпа (на пример Контролок, Нексиум, Сабакс, Нолпаза), кој се зема пред јадење. По јадење, доколку пациентот не е алергичен на пеницилин, се зема пеницилински препарат од типот на Амоксицилин. Тој се комбинира со уште еден лек кој помага во ерадикацијата на инфекцијата, најчесто Орвагил. Наместо Амоксицилин, честопати се даваат макролидни антибиотици како Рокситромицин или Кларитромицин, а понекогаш и тетрациклински препарати. Во секој случај, терапијата за хеликобактер трае една до две недели, по што се работат контролни анализи – издишен тест, анализа на антитела во крвта или антиген во столица – врз основа на кои се проценува дали инфекцијата е излекувана. За дозирањето и примената на соодветниот лек, разговарајте со вашиот лекар.