Кои се можните причини за болка зад градната коска проследена со киселина и подригнување?

Врз основа на опишаните симптоми, најверојатно се работи за гастроезофагеална рефлуксна болест, односно враќање на желудочната киселина во хранопроводот, што предизвикува чувство на печење зад градната коска, горушица и слични тегоби. Се препорачува прво да се направи крвна слика, седиментација на еритроцитите и евентуално проширени биохемиски анализи, а секако и анализи за инфекција со Хеликобактер пилори (антигени во столица, IgA антитела од крв или уреа издишен тест). Карциномот на хранопроводот обично се манифестира со отежнато голтање, повраќање, губење на телесна тежина и повраќање крв, што може да доведе и до анемија (која се гледа преку крвна слика). Кај таквите состојби, најпрво се јавуваат тешкотии при голтање цврста храна, при што пациентот преминува на кашеста и течна храна, а тоа е проследено со болка. Препорачливо е да се јавите кај матичниот лекар за да ве упати кај гастроентеролог. За да се утврди точната причина, се препорачува да се направи гастроскопија. Најверојатно станува збор за понапреднат стадиум на ГЕРБ, евентуално со придружна инфекција со Хеликобактер пилори, што бара комбинирана терапија со лекови од групата инхибитори на протонската пумпа, а во случај на потврдена инфекција - и комбинација од два различни антибиотици.