Кога е потребна консултација со гастроентеролог?

Тегобите кои ги чувствувате бараат внимателен преглед од лекар – прво општ, односно интернистички преглед, со ЕКГ и основни лабораториски анализи, за да се утврди каде точно се наоѓа основниот проблем. Често тегобите со срцево потекло се манифестираат како тегоби во горниот дел на стомакот, но и обратно – тегобите на органите за варење можат да предизвикаат тегоби во градниот кош. Меѓутоа, на лекарот кој ќе ве прегледа нема да му биде тешко да, со преглед и неколку основни дијагностички постапки, одреди во која насока треба понатаму да се испитува и лекува состојбата.