Како се врши подготовката за колоноскопија?

Колоноскопијата може да се изведе без или со општа интравенска анестезија. Доколку се одлучите за општа анестезија, потребно е 4 часа пред процедурата да не јадете и да не пиете ништо. Својата редовна терапија можете да ја земете со малку вода, но бидејќи станува збор за лекови кои регулираат шеќер во крвта, антикоагулантна терапија или антиагрегациони лекови, пред изведувањето на процедурата треба да се консултирате со својот лекар за начинот на нивна примена. Општо земено, оралните антидијабетици не треба да се земаат на денот на процедурата. Лекови како Фарил и Флавикс најчесто се прекинуваат 5 до 7 дена пред ендоскопската интервенција. Најдобро е да се консултирате со својот лекар или гастроентеролог за примената на тие лекови пред процедурата.