Дали Helicobacter pylori предизвикува тап бол под левото ребро?

Helicobacter pylori е бактерија која напаѓа слузницата на желудникот, бидејќи ѝ погодува киселата средина во која единствено и опстојува. Најчести симптоми се болки во желудникот и стомакот, штрбунец (горушица), надуеност на стомакот, отежнато варење, гадење, повраќање и непријатен здив. Присуството на бактеријата лесно се открива со неинвазивна дијагностичка постапка позната како уреаза издишен тест, а дијагнозата може да се постави и со преглед на крв. Лекувањето вклучува комбинација од два антибиотици и лекови кои ја намалуваат киселоста на желудочната средина. Болка под левиот ребрен лак може да укажува на проблем со желудникот, но и на проблеми со панкреасот или дебелото црево. Затоа се препорачува да се јавите на гастроентеролог, кој ќе ви направи преглед и ќе постави конечна дијагноза.