Дали еритромицин може да се користи при улцерозен колитис, ако пациентот истовремено прима терапија со пропафенон?

Улцерозниот колитис по правило не се лекува со антибиотици. Што се однесува до еритромицинот – доколку пациентот веќе има проблеми со срцевиот ритам и прима терапија со пропафенон, треба да се избегнува употребата на еритромицин, како и на другите антибиотици од групата макролиди. Улцерозниот колитис најчесто се третира со сулфасалазин, а во зависност од активноста на воспалението, по потреба се вклучуваат и кортикостероиди. Точната терапија и дозирање треба да ги одреди гастроентеролог, откако ќе се процени степенот на активност на воспалителниот процес.