Зошто темните дамки над устата се засилуваат на сонце?

Дамките на лицето (мелазма) настануваат под влијание на женските полови хормони и дејството на ултравиолетовото зрачење (сонцето). Превенцијата, односно спречувањето на појавата и влошувањето на дамките, е клучна - потребна е строга заштита со кремови со висок заштитен фактор (UVA/UVB SPF 50+), носење шешири и избегнување директна изложеност на сонце. Отстранувањето на дамките обично се препорачува по завршувањето на летниот период (од крајот на септември). Комбинацијата од кремови за избелување што содржат хидрокинон и неколку хемиски пилинзи со овошни киселини (со постепено зголемување на концентрацијата) обично е ефикасна и може да даде добри резултати. Сепак, доколку постои основна причина за појавата на дамките, најчесто хормонска, и доколку продолжи изложувањето на УВ зрачење, повторна појава на дамките е можна.