Зошто ме сврби целото тело?

Со оглед на тоа што сите членови на семејството се чешете, многу веројатна дијагноза е шуга. Свработ кај шугата е најизразен ноќе, во топлина, а најчесто се јавува околу појасот, на лактите и колената. Станува збор за паразитско заболување кое се пренесува преку заразена постелнина и облека, како и со спиење во ист кревет со заразено лице. Го предизвикува паразитот Sarcoptes scabiei (шугарец). Лекувањето најчесто се спроведува со препарати кои содржат сулфур во облик на маст, крема со перметрин или емулзија со бензил бензоат. Потребно е да се јавите кај дерматолог за да добиете соодветна терапија, бидејќи не е веројатно дека сите имате екцем.