Зошто кандидијазата се повторува и покрај употреба на нистатин и флуконазол?

Не се наведени доволно податоци за попрецизен одговор, бидејќи не е јасно дали промените се на кожата или на слузниците, ниту како изгледаат. Од тоа зависи и понатамошниот пристап. Општо се препорачува да се направат основни лабораториски анализи, доколку не се веќе направени (комплетна крвна слика, гликемија, уреа, креатинин, AST, ALT, урина, серумско железо), бидејќи состојби како анемија и дијабетес мелитус можат да бидат причина за повторување на кандидијазата. Во секој случај, се препорачува преглед кај дерматолог за проблемот соодветно да се реши.