Зачервување на лицето и дамки по рамениците по туширање, придружени со уртикарија — што може да биде причина?

Промените што ги опишувате можат да бидат последица на физичка уртикарија, односно копривка предизвикана од топлина, бидејќи промените се јавуваат по туширање, кое најчесто се врши со потопла вода. Уртикаријата што ви била дијагностицирана може да биде хронична, а еден од нејзините облици е токму оваа физичка уртикарија. Потребно е да се испитаат причините за копривката, доколку тоа сè уште не е направено. Се препорачува преглед кај дерматолог и алерголог за да се утврди за што точно се работи. Локалните препарати (кремови или масла) најчесто немаат ефект во ваков случај.