Што се вирусни брадавици?

Постојат повеќе видови вирусни брадавици кои можат да се јавуваат на различни делови на кожата и слузниците (гениталии). Причинители се различни видови на вируси. Терапијата зависи од местото на појавата и од распространетоста на промените. Најчесто се отстрануваат со замрзнување со течен азот, со интервенции со електрична струја или со радиоталаси, а за промени на слузниците (кондиломи) се препишуваат и одредени кремови. На гениталиите можат да се пренесат и по полов пат. Промените се шират ако организмот е во состојба на послаба отпорност, а животниот стил и навиките можат да влијаат на терапијата и на повторната појава. Без преглед кај дерматолог не е можно прецизно да се даде предлог за терапија.