Што може да значат големите црвени дамки на кожата кај постара личност?

Според опишаните симптоми, најверојатно се работи за копривна треска (уртикарија). Причините за копривна треска се различни - најчесто станува збор за реакција на лекови, а понекогаш и на некоја инфекција во организмот. Може да биде поврзано и со гастритис или паразити во столицата. Се препорачува од исхраната да се исклучат конзерванси (сувомеснати производи, зачини со адитиви, вештачки пијалаци), како и да не се земаат витамини и додатоци на исхраната без потреба. Доколку промените на кожата не поминуваат, потребен е преглед кај дерматолог или интернист-алерголог.