Што е уртикарија пигментоза и како се лекува?

Кај мастоцитозата, лучењето на хистамин може да се ублажи, но целосна контрола не е возможна. Лекувањето на кожната мастоцитоза зависи од раширеноста на промените и тегобите, со цел да се задржат под контрола. Во терапијата се користат H1-антихистаминици (лоратадин, дезлоратадин, цетиризин, биластин и слично) и H2-антихистаминици (ранитидин, фамотидин и слично), како и мали дози на ацетилсалицилна киселина, кои постепено се вклучуваат во терапијата. Можат да се користат и кортикостероиди за локална примена во вид на кремови и масти. PUVA и UVB терапија со УВ зраци се користи кај потешки случаи. Избегнувајте нагли температурни разлики, чешање, одредени јадења како морски плодови, ракови, алкохол, зачинета и жешка храна, како и стари презреани сирења. Консултирајте се со искусен дерматолог за совет.