Со што да се третираат промените од псоријаза кога кремите не помагаат?

Псоријазата е хронична болест која со одредени третмани и терапии може да се држи под контрола, но трајно излекување не е можно. Целта на лекувањето е состојбата да се контролира. Се препорачува преглед кај искусен дерматолог, кој ќе посоветува за третман и нега на кожата зафатена со псоријаза. Исхраната нема голем директен ефект врз промените, но се препорачува внес на доволно витамини, омега-3 масни киселини, помал внес на црвено месо и заситени масни киселини. Терапијата за лекување и одржување е индивидуализирана - понекогаш се комбинираат повеќе начини на лекување, вклучувајќи и орална терапија, покрај локалната. Дури откако ќе се постигне задоволителен одговор на лекувањето, може да се разговара за препарати кои најдобро ќе ги одржуваат промените без лушпи, зачервенување и слично.