Постојан свраб во ушите и на срамните усни придружен со екцем - што може да биде причина?

Свраб во надворешниот ушен канал, како и во генитален предел, може да биде предизвикан од различни состојби. Себореичен дерматитис е чест причинител (тоа е повеќе состојба отколку болест и не може целосно да се излечи), а исто така атопски дерматитис (познат како детски екцем), а поретко и псоријаза. Доколку не сте направиле брис за Candida, потребно е да се направи (и во ушите и генитално), а по тоа е потребен преглед кај дерматолог. Користете благи сапуни за миење на генитален предел (со кисела или неутрална pH вредност), како и за ушниот канал. Некои препарати што содржат кортикостероиди можат да се користат, но само по препорака на дерматолог.