Опаѓање на косата, чешање, перут и мрсна коса - што може да биде причината?

Проблемот со перутот и зголеменото мрснење на косата го имаат голем број луѓе, а субјективните тегоби можат да бидат од различен степен - од благо чешење или пецкање, до интензивни тегоби кои го нарушуваат вообичаеното функционирање на пациентите. Најчесто се работи за таканаречена себореја или себореичен дерматитис, кој во поголема мера претставува состојба, а не болест, пред сè поради неговата голема застапеност во популацијата, како и честото повторно влошување на промените кај истиот пациент. Се препорачува да се јавите на дерматолошки преглед заради поставување на соодветна дијагноза, а лекарот потоа ќе ви советува евентуална терапија и/или нега на кожата за да дојде до повлекување на промените на кожата и субјективните тегоби. Со соодветна терапија и нега тоа е сосема извесно.