Крлежот исчезна, а кожата на местото на каснувањето е променета - што значи тоа?

Најверојатно сте имали крлеж кој се закачил за кожата, а потоа отпаднал. Некои крлежи можат да бидат заразени со бактеријата Borrelia, која предизвикува Лајмска болест. Првиот знак се јавува на кожата 5-10 дена по каснувањето во вид на црвенило кое се шири околу местото каде што бил крлежот, не сврби и не боли. Доколку имате вакви тегоби, веднаш јавете се на дерматолог за преглед. Лајмската болест успешно се лекува со антибиотици, доколку се јавите навреме. Доколку сакате, еден месец по каснувањето може да се направи тест од крв - антитела на Borrelia, IgM и IgG, за да се утврди дали сте имали контакт со оваа бактерија. Доколку резултатот е позитивен, треба да добиете соодветна терапија.