Колку се опасни молускуми на половите органи кај деца и како се лекуваат?

Молускум контагиозум обично сам по себе се повлекува, па лекувањето не е секогаш неопходно. Сепак, поединечните папули можат да се отстранат со стругање или замрзнување со течен азот, кај дерматолог. Исто така, некои локални препарати кои се користат при отстранување на брадавици можат да бидат корисни и при отстранување на папулите. Важно е да се напомене дека хируршкото отстранување на папулите може да остави лузна. Во секој случај, ако постојат нејаснотии, најдобро е да се обратите на дерматолог, со оглед на регијата која е зафатена.