Кои се можностите за лекување на базалиом под око без хемотерапија?

Ако постои сомнение за базалиом (тумор на кожа), обично се прави и дополнителен преглед со дерматоскоп. Потоа се врши хируршко отстранување на промената, односно оперативно лекување. Отстранетата промена во целост се испраќа на дополнителна дијагностика - патохистолошки преглед, при што се набљудува ткивото под микроскоп. Врз основа на тој наод се поставува конечна дијагноза и се одлучува дали е потребна дополнителна терапија. Одлуката за дополнителна терапија честопати ја носи онколошки конзилиум, односно неколку лекари заедно. Хемотерапија без оперативно лекување кај базалиом не се спроведува. Ако навистина се работи за базалиом, овие тумори се многу чести кај постарите лица. Фактор на ризик за нивна појава е изложеноста на сонце или солариум. Оперативното лекување најчесто дава целосно излекување, иако се можни рецидиви - повторна појава на тумор на местото на претходната промена. Овие тумори исклучително ретко даваат метастази. Секогаш се препорачува заштита од сонце, со кремови и облека. За сега нема причина за загриженост, но не треба да се одолговлекува со интервенцијата - потребен е преглед од дерматолог и хирург.