Како се врши тестирање на ХИВ по ризичен однос?

Тестирањето на ХИВ се препорачува околу 3 месеца по ризичниот однос, за да се избегне таканаречениот „прозорец“, односно лажно негативен резултат доколку се користи ЕЛИСА методот за детекција на антитела на ХИВ. Тестирањето е доверливо и се врши во соодветни здравствени установи, каде што можете да добиете подетални информации за самата постапка. Кај ризично однесување вообичаено се прават и останатите тестови за сексуално преносливи болести – на сифилис, хламидија, микоплазма, уреаплазма и гонокок.