Како се третираат вирусните брадавици (кондиломи)?

Криотерапијата (замрзнување на кондиломите) најчесто се препорачува за овој проблем. Исто така, се советува отстранување на кондиломите со електрокаутер или радиоталаси, со локална анестезија, при што промените се отстрануваат во еден потег. Вирусите се наоѓаат во кожата, и додека организмот сам не се избори против нив и не ги избрка, промените можат повторно да се јавуваат. Локални препарати - подофилин и подофилотоксин, како и одредени кремови за локална примена, можат да помогнат во лекувањето. Сепак, овие препарати не се користат превентивно, туку само кога промените веќе постојат, под контрола на дерматолог и во комбинација со течен азот или радиоталасно отстранување. Се препорачува доволен одмор, земање препарати за подобрување на имунитетот, како и задолжителна употреба на кондом при сексуални односи.