Како се третира хиперпигментација (флеки) на кожата?

Не се наведени доволно податоци, но кај жените дамки на лицето најчесто се последица на хормонска нерамнотежа и се чести во бременост поради зголемените нивоа на естроген и прогестерон. Дамките не се лекуваат со кортикостероиди. Основно е да се штитите од UV зрачење, односно од сонце, бидејќи изложеноста го влошува проблемот и создава нови дамки. Третманот се спроведува кога ќе престане јаката сончева светлина, со препарати за избелување (најефикасни се тие со хидрокинон) и со хемиски пилинзи. Препорачливо е да се направи и лекарски преглед за да се утврди точната причина и најсоодветниот третман.