Како се отстранува Ото невус околу око и слепоочница?

Доколку станува збор за Ото невус, најефикасно отстранување од кожата се врши со ласер. Ласерот треба да биде од Q-switch тип (рубински, алексадрит или Nd:YAG). Останатите ласери, како IPL платформите, немаат доволна јачина за да отстранат пигмент кој се наоѓа длабоко во дермата. Отстранувањето обично бара повеќе третмани. Другите терапии, како криотерапија со течен азот или дермабразија, не се доволно ефикасни. Во некои приватни ординации постојат Q-switch ласери, но е потребно третманот да го изведуваат искусни стручни лица. Се препорачува и редовна контрола кај офталмолог, бидејќи постои зголемена склоност кон развој на глауком (покачен очен притисок).