Како да се третираат акните и нерегуларностите на лицето?

Не сум дерматолог, но овој проблем ми е добро познат од досегашно искуство, а делумен одговор веќе сте го дали самите. Намалете употребата на шминка и целосно исфрлете пудрата од употреба, бидејќи затнува порите на кожата на лицето и придонесува за појава на акни. Можете да пробате пилинг со смеса позната како „мешавина по Лук“, која се подготвува во аптека. Ако ја набавите, нанесувајте ја неколку вечери на лицето пред спиење и симнувајте ја наутро, но бидете внимателни – ако се користи предолго или премногу, кожата се исушува и предизвикува зголемено перутање. За чистење на лицето може да се користи и раствор со клиндамицин, кој се подготвува во повеќе аптеки. Друга опција е употребата на третиноин, но не преку летото – потребно е да се почека есен или зима. Третиноинот може да се набави во приватни аптеки без рецепт, но не е лек кој треба да се користи самоволно без надзор. При претерана употреба може да предизвика перутање и болка на кожата, во тој случај треба да се прекине со употребата. Третиноинот го намалува лачењето на лојните жлезди и помага да се исчисти лицето од комедони. Се нанесува во тенок слој навечер, во почетокот неколку пати неделно, а подоцна може и секоја вечер. Задолжително е и користење на силна UV заштита во текот на денот, без разлика дали има сонце или не. Во текот на денот може да се користат и креми за себо-регулација, кои денес нудат многу компании со добри резултати.