Испапчување на врвот на носот кое крвави и е зацрвенето - што може да биде?

Промената на носот бара преглед кај дерматолог, а потоа и преглед на промената под зголемување - дерматоскопија. Најверојатно ќе биде потребно и хируршко отстранување со патохистолошка анализа (микроскопски преглед на промената). Во секој случај, потребно е да се јавите кај дерматолог кој преку дерматоскоп ќе може подобро да процени за каква промена се работи. По тоа, за интервенцијата се обраќате кај пластичен или максилофацијален хирург. Промената најчесто се отстранува во локална анестезија, со неколку конци.