Докаде е стигнато со лекувањето на витилиго и трансплантацијата на меланоцити?

Витилиго е автоимуна болест кај која организмот произведува антитела против меланоцитите – клетките што создаваат пигмент во кожата. Чест поттикнувач е стресот, а често се јавуваат и антитела насочени кон клетките на штитната жлезда. За сега не постои начин да се спречи развојот на витилиго, но болеста може да се третира на повеќе начини, во зависност од возраста на пациентот, времетраењето на промените и нивната раширеност. Во последно време се препорачуваат имуномодулаторни креми, кои покажуваат добри резултати. За поразширени промени се советува уско-спектрална (narrow-band) УВБ фототерапија. Кај помладите пациенти, кога третманот започне рано, додека промените се уште „свежи“, може да се постигне и потполно повлекување на дамките. Сепак, за целосно излекување во сегашни услови не може да се говори, бидејќи склоноста кон витилиго останува доживотна. Со упорност и соодветна терапија, состојбата значително може да се подобри.