Дисхидрозата со меурчиња на дланките се враќа - што може да биде причина?

Причините за дисхидроза можат да бидат различни. Кај сите пациенти се прегледуваат и стопалата, бидејќи многу често дисхидрозата е реакција на присуство на габички меѓу прстите. Доколку се докаже нивно постоење, се лекува габичната инфекција (таканаречено „атлетско стопало“), а на дланките се применуваат кортикостероидни препарати, според режим различен за секој пациент. Понекогаш дисхидрозата се јавува и како последица на алергија на никел или хром. Во случај на сомнение за алергија, се прави епикутано тестирање. Точна дијагноза и терапија, откако ќе се открие причината, може да ви даде само дерматолог.