Дали Тефор во лекувањето на PCOS и стерилитет влијае на кожата на лицето?

Кај полицистичните јајници понекогаш се јавува инсулинска резистенција, па во тие случаи се советува земање метформин (Тефор). Меѓутоа, не постои директна врска меѓу подобрувањето на акните, доколку ги имате, и терапијата со метформин. За лекување на акни кај жени со полицистични оваријуми се препорачува дерматолошко лекување (локални препарати и антибиотици за акни), заедно со користење хормонски контрацептиви. Доколку кај вас проблем е и стерилитетот, хормонски препарати не се даваат. Дерматологот ќе ви препорача која терапија и каква нега за кожата на лицето би ви одговарала. Лекувањето на акните само со таблети во голем број случаи не дава соодветни резултати.