Дали шугата е целосно излечена по третман со сулфур?

Шугата е сè уште честа појава кај нас. Важно е да се утврди изворот на зараза, кој може да биде човек, но и некое животно со кое сте во контакт. Третманот секогаш ги вклучува сите членови на семејството истовремено, со почетна, тековна и завршна дезинфекција - варење на постелнината, облеката и ткаенините што можат да се варат. Оние ткаенини што не можат да се варат, можат да се дезинфицираат со ставање во замрзнувач, на длабоко замрзнување за 48 часа. Во аптеките има повеќе препарати за шугарка, како линдан и препарат познат како Гамекс, кој се покажал како поефикасен од препаратите со сулфур, а е достапен во повеќе форми. Шугата може да се пренесе и од куче, со тоа што тоа е друг вид на шугарка, па во тој случај кучето треба да се однесе на ветеринар. Третманот го започнуваат сите домашни истовремено - се соблекува целата облека, постелнина и ткаенини и се варат, а волнените работи се стават во замрзнувач. Сите се мачкаат со избраниот препарат според упатството, а на крајот на третманот повторно се вари гардеробата, постелнината итн. Ако третманот е успешен, трае неколку дена.